Plantun de Prouvènço

Pèr coumpara dos planto d'encò nostre

Arabis auriculata & Homalothecium sericeum

Arabis auriculata

Brassicaceae Cruciferae

Nom en français : Arabette à oreillettes.

Descripcioun :
Aquesto arabeto trachis dins li colo e en basso mountagno dins li tepiero seco e li perié. Se recounèis à sa tijo e si fueio peludo (péu estela sus la cambo), à si fueio embrassanto e alado e peréu à si silico escartado (au contre de A. hirsuta e A. planisiliqua).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 (40) cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Arabis
Famiho : Brassicaceae
Famiho classico : Cruciferae

Coulour de la flour : Blanco
Petalo : 4
Ø (o loungour) flour : 4 à 6 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Abriéu à jun

Liò : Tepiero seco - Perié - Paret
Estànci : Mesoumediterran à Mountagnard
Couroulougi : Eurimediterrano
Ref. sc. : Arabis auriculata Lam., 1783

Mousso-tèco-drecho-sedouso

Homalothecium sericeum

Brachytheciaceae

Nom en français : Thèque droite soyeuse.

Descripcioun :
Aquelo mousso pluroucarpo bèn coumuno trachis subretout à la baso de pège e peréu sus li roco ounte pòu proun s'espandi. Se recounèis pulèu eisadamen un cop seco emé si ramo enarcado que dounon d'èr à de toro. Li fueio soun en triangle emé 2 à 4 rufo alor que la costo fai de 4 part 3 de la loungour. Estounamen aquelo meno coumuno es aparado e marcado sus listo roujo, categourìo LC valènt à dire soucit minour (bessai qu'es acampado dins d'ùnis endré).

Usanço :
Se pòu engana emé Homalothecium lutescens, pamens aquelo radiero èi pas tant ramado e si rizoïde soun estaca à la baso (sus tout lou long pèr Homalothecium sericeum). Coumpara emé la mousso-tèco-drecho-daurado.

Port : Pluroucarpo
Taio : 3 à 8 cm
Fueio : 1,8 à 2 mm
Tipe bioulougico :
Cicle bioulougico : Planto renadivo

Gènre : Homalothecium
Famiho : Brachytheciaceae

Ordre : Hypnales

Coulour de la flour :
Petalo : 1,5 à 2 cm
Ø (o loungour) flour : Coumplet
Flourido : Printèms Ivèr

Sòu : Ca (Si)
Autour basso e auto : 10 à 2000 m
Aparado : Noun
Janvié à abriéu

Liò : Pège - Roco - Muraio - Sòu
Estànci : Mesoumediterran à Subaupen
Couroulougi : Oulartico
Ref. sc. : Homalothecium sericeum (Hedw.) Schimp., 1851

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Arabis auriculata & Homalothecium sericeum

ges

Coumpara Arabeto(-di-fueio-alado) emé uno autro planto

Coumpara Mousso-tèco-drecho-sedouso emé uno autro planto